Ralhrang 32 An Thihnak Cakei Kaapi Sakhan Laknak: Karenni ramkulh, Myanmar le Thai ramri, Thanlwin tiva nichuak lei Nattaung sakhan timi, Cakei kaapi sakhan ti zong in khawhmi SAC ralhrang sakhanpi cu January 7 ni ah lak a si i, cu sakhan lak lio ah SAC ralhrang 32 an thi tiah Karenni Army nih nai ah video he thawngthanhnak an tuah.
Cu sakhan lak kahdohnak ah SAC ralhrang phu chungtel 10 zong an tlaih chih nain SAC ralhrang phu lei in raltuknak vanlawng Jet Fighter in bomb an rak thlak hnawh caah an tlaihmi ralhrang hna pinah Karenni Army 2 zong an thi ve i, a dang 6 zong hliamhma an tuar hna tiah Karenni Army nih a langhter chih.
SAC ralhrang phu lei nih cun Huipunglaung – Kaukkauk area ah a ummi Cakei kaapi sakhan cu Karenni National Prograssive Party (KNPP) le People Defense Force (PDF) phu fonh nih thazaang tamtuk hmang in an kah caah raldohnak beuha ning in chitkhat hnu an tolh piak chun hna. Nain timh cia in a ummi vanlawng kah bawmhtu hna le,
Hriamngan tlaitu hna nih voi voikhat ah an kah bawmh ve caah, cu sakhan cu an lak than khawh tiah January 8 ni i SAC ralhrang kuttang media nih lih le hrawkhro in thawngthanhnak an tuah ve. SAC ralhrang phu lei nih thawngthanhnak an tuah ning ahcun SAC ralhrang phu lei in ralhrang bawi le ralhrang cheukhat lawng nih hliamhma an tuar tiah an langhter.
Karenni mipi ralkap hna nih an thawng ngai caah ralhrang phu hmanh nih daihnak ser a sawmmi an si. Atanglei ah a video zoh khawh cio ding in hyperlink in kan chiah piak hna. Video zohnak timi khi hmeh law, The Irrawaddy – Burmese Edition nih a tarlanghmi video fiang ngai in zoh khawh a si. VIDEO ZOHNAK. Source: The Irrawaddy – Burmese Edition
Leave a Reply