Ralhrang Company Nih A Sermi Mirang Vawlei Bag 500 Leng Le Motor Pakhat An Khanh Dih: Muse ah meiholh bag in an khuh i an phurmi ralhrang company chuah Sin Min Mirang vawlei bag 500 le motor pakhat cu PDF phu nih an lak i mei an khangh. Atang ah a video zoh chih khawh a si. Kan hnulei zong ah Kachin ram lei an kalpimi beer tampi cu PDF phu nih an rak khuai piak dih bal ve cang hna.
Thil sining cu Shan ramkulh, Muse myone, 105 Mile le Talun kar ah cung lei meiholh bag an khuh i an an phurmi ralhrang company chuak, Sin min mirang vawlei bag 500 cu an phurnak motor he an lak khawh i mei an khangh tiah Muse PDG phu in chimhnak nawlngeitu pakhat nih Khit Thit Media ah a chim. An khanghmi man zat hi langhter chih a si lo.
“Mawtaung khua lonh, 105 Mile le Talun kar ah nizan January 30 ni zanlei suimilam 5 hrawng ah an tlaih hna. Shwe Byaing Phyu zinan dawr hmai ah an tlaih. Ralhrang company chuak mi mirang vawlei bag pawl cu Meiholh bag in an khuh. Bag 500 hrawng a si. Zanlei suimilam 5 leng hrawngah mei an khangh dih” tiah,
Muse PDF phu in Chimhnak nawlngeitu pakhat nih Yangon Khit Thit Media ah a chim hi a si. Muse telh in Kachin ramkulh, Sagaing ramthen le Shan ramkulh hna zong ah SAC ralhrang company chuakmi Beer hna, thilri dangdang pawl phur lo ding le zuar lo ding in Local PDF phu hna nih thawngthanhnak le ralrin peknak cathanh an chuah cang.
Video chung zohnak ah PDF pawl nih motor cung an kai i, an thilri an chek hna. Atanglei ah mirang vawlei an chiah i meiholh bag an khuh tiah an chim lenmi theih khawh a si. Cu hnu ah ‘Min Aung Hlaing, Na nu chu; Na nu chu, Min Aung Hlaing tiah an au i mirang vawlei he meiholh he, a phurnak motor nganpi he cun mei an khangh dih hna mi hmuh a si.
Nizan Muse PDF phu nih ralhrang thilri le motor an hrawk nak video cu VIDEO ZOHNAK timi hi hmeh law, a video zoh khawh a si. Kawlram mipi dihlak nih ralhrang company sermi thilri le ei din vialte kan hman lo ahcun, cucu dohthlennak lam pakhat a si ve. VIDEO. Ref. KTM
Leave a Reply