Video: Tuzing Tial Thang Cu Uar A Um Bak, Round 1 Nak Ah A Tei Colh: Tuzing May 15 zing (kawlram caan) ah Lai pathawng Tial Thang le mirang pa Nicko Commisiong an i phomhnak ah Tial Thang nih Nicko Commissiong cu round khatnak ah a tei colh.
Nai April thla lio zong ah Tial Thang nih teinak a hmuh i, tutan zong teinak a hmuh than tikah Laimi paoh nih nan lawmhpi cio lai zumh a si. Tutan Tial Thang an thonghnak hi LFA a si i, ONE Championship nawl peknak in hi LFA ah a vai thongh hi a si. Tuzing aa thonghnak video a tanglei bik ah Hyperlink in chiah chih a si.
Thawngpang dang: Nihin Kawlram A Lautertu Mocha Thlicia Thawngpang: Tuzing sml 9:00 am ah Sittwe khualipi chung. Saikalung Mocha (Cyclone Mocha) nih Kawlram mipi a lauter hna. YGN khualipi chung mi tampi zong an lau i an thin a phaang.
Nargis nih fak bik in a rak denmi Irrawaddy Ramṭhen Laputta (လပွတ္တာ) pengkulh chung ko ah thlichia hrial in an zaam tuk ve hna. Nargis lio ah minung 130,000 renglo an rak thi i Laputta pengkulh chung lawngah 80,000 renglo a rak thimi an si.
Rakhine lam cu thlichia muru hrampi nih a pal ding si caah, Sittwe khualipi ko ah leeng chuak an um ti lo. Tropical Cyclone nih Kawlram a den lengmang. Kan cozah le kan siifah he ai kaihlo dom.
Tuzing sml 4:00 am hrawng ah ai seng lo tukmi Shanram thlenglei Tachileik khuapi chung zong ah tilian nih a luh nawh hna. Ruah a tam tuk caah si lai. Mocha cu ai thawk cang. A muru hrampi in a lenglei bik hrual nih Sittwe khuapi cu a phanh cang hna.
A chunghrual thahripi muru nihcun nihin sml 12:00 in 1:00 pm hrawngah a viu te hna lai ti an zumh. Nargis lio ahkhan YGN hmanh ah thli khi an ai i an rak viu. Mithla hramthawng hna a lo. Sml pakhat ah meng 60 hrawng an rak ti in ka thei, ka palh kho men.
Mocha nihhin, Rakhine ram cu sml pakhat ah meng 115 in 130 hrawng in a den hna lai, ti si. Chinram tepawl a phan ding khi cu an din deuh lai nain, iralrin hau tho, a fak lo deuh kho tiah chim khawh si lo, an ti.
Thlitu muru lam an van zawt tikah, Chinram, Magwe le Sagaing chung zong a von pal viar. Thlichia muru a fak bik caan khi minit 20 chung hrawng si tawn ti si. Mah lio caan chung te ahkhin iralrin bik ding a si, tiah an ti.
“Thlichia nih Min Aung Hlaing a bawmh e” tiah capo biatak in a chimmi hna an um phah! Vawleicung refugee camp lak i a lian bik an timi Cox Bazar cu thlichia muruhrual nih a pal ve lai caah si rua. Credit: Salai C Alexander
Leave a Reply