Kan i hngahhlang tukmi AungLa vs Leandro Ataides cu tuzaan ah an i phomh i,Aungla Nsang nih TKO in Dawh taktak bak in Ataides cu atei, kan theih cio cang bantuk in Aungla cu kan hnu lei ah Belt Pahnih bak a sungh hnu ah Middle Weight lei ah timhtuahnak ttha te he a vun i phomh tthan i leandro Brazilian i vuak thiam minthang ngai asimi pa cu Minute pathum bakah a tei colh! Burmese Python Aungla Nsang IS BACK!
Relchap: Thantlang Peng khuate in a pakhatnak bik COVID-19 in Pu Ceu Khar mual a liam
Thantlang Peng Ruakhua khuami Thantlang Zunghmun sang khuasa Pu Ceu Khar (57) cu nihin 30.7.2021, Ruakhua ah COVID-19 zawtnak in mual a liam tiah kan theih.
Pu Ceu Khar techung hi Thantlang, Zunghmun sang ah khuasa mi an si .A luancia Thla khat hrawng in an chungkhar in Ruakhua ah a vai i dorchung mi an si. Ruakhua ah COVID-19 test an tuah hna i a fale minung 2 zong Positive an si ve, tiah theih a si.
“Ruakhua hi an rak i ralring ngai. Oxygen zong khua nih an ngei. PPE le zeidang herh mi tete hna zong tlamtling tein an rak ngeicia. Ahlankan tein COVID -19 test zong an rak cawngcia. Ralrinnak an rak ngeicia. Khuadang nih i cawn cio ding a si,” tiah Pu Ram Khar nih a facebook cahmai ah a tial.
The Hakha Times
Leave a Reply