Yangon Lamzawhnak Ah Thuamsawh Hrukmi Nih Thencheunak Tuah In Tlaihkhihnak An Tuah

Yangon Lamzawhnak Ah Thuamsawh Hrukmi Nih Thencheunak Tuah In Tlaihkhihnak An Tuah Kyautmyaung(ေက်ာက္ေျမာင္း)lamzawhnak ah mipi thuamsawh hrukmi hna nih meithal puah in lamzawh mi an thencheu hna, tlaih mi zong an um

Yangon , Kyautmyaung (ေက်ာက္ေျမာင္း) ah nihin July 30, zaanlei ah tuah mi ralhrang rallokap uk duhlo langhter in lamzawh mi hna cu,mipi thuamsawh hruk in rallokap minung hna nih meithal puah in mi thencheunak an tuah hlei ah mino cheukhat an tlaihhna tiah theih a si.

“တိုက္ပိတ္လိုက္လို့ ၿငိမ္သြားမယ့္အထဲမွာ အမွန္တရားမပါဘူး” tiah au in ralhrang rallokap uk duhlo lamzawh mi hna cu,mipi thuamsawh hruk in meithal a put mi ralhrang phu hna nih lamzawh mi,mino hna cu kah in an tlaihhna tiah lamzawhnak ah a tel mi, pakhat nih a chim.

A lan(thantar) tlaitu hna le signboard tlaitu hna cu a hleiin ral in tlaihmi an si,meithal voithum hrawng an puah hnu ah signboard tlaitu cheukhat hna cu an velh hrem hna tiah theih a si.

Atu tiang ah Kyautmyaung ah ralhrang rallokap uk duhlo in lamzawh mi hna lak ah minung zeizah dah tlaihkhih an si ti kong fiangin theih a si rih lo.

The Chin Post