Kum 2020 ah khan Covid-19 pandemic nih vawlei cung a den i economic lei ah chiatnak fakpi a tlung mah lio caan ah millionaire an karh ngai tiah langhter asi.
Mi sifak hna cu an sifak chin i, vawlei cung ah millionaire pawl 5.2 million bak in an karh i, 56.1 million ah an kai tiah Credit Suisse research nih cun a langhter.
Kum 2020 ah khan a vawikhat nak dingah vawlei cung puitling chung in 1% hna cu millionaire an si. Stock market tha than mi le inn man sang nih an rumnak akarh ter.
Pandemic ruangah economy nih chiatnak fakpi a tuar ko natein, mirum hna cung ah cun chiatnak zeihmanh a tlung lem lo.
“Anthony Shorrocks, economist le Global Wealth Report author nih cun Pandemic nih “global market ah caan raulo te lawng rawhral nak a chuahpi” ti chim in, June 2020 hnu cun that lei a panh thluahmah tiah a chim.
Leave a Reply