Zual Ko: Mizoram Ah Chin Ralzam Pakhat Thingkung In A Tla I A Nunnak A Liam

Zual Ko: Mizoram Ah Chin Ralzam Pakhat Thingkung In A Tla I A Nunnak A Liam: Mizoram, Lunglei peng chung i Thaizawl ralzam camp ah a ummi Pu Khua Kung cu nizan May 13 ah khan thingkunh in a tla i fak ngai in aa hliam caah Aizawl ah an kalpi nain lampi ah a nunnak a liam tiah theih a si.

Pu Khua Kung cu Chin ramkulh Matupi peng Ngalai khuami a si! Credit: The Chin Post II May 14, 2023. Breaking News Thawngpang dang: Mocha Thlichia Ruangah Hakha Khrihfabu Tam Deuh Hringtu Nu Ni Pumh An Leet.

Mocha thlichia cu nihin May 14 ah Hakha a phan lai tiin zumh a si i, nihin deilei suimilam 4:30 tluk in 9:00 AM tiang ah thlihran a daih hlei lo pinah ruah siamsiam in a sur caah Hakha khua chung um Khrihfabu tam deuh cu lakhruak in Hringtu Nu Ni (mother’s day) zarhpi zing pumh cu an leet, tiah theih a si.

Hi ca kan tial lioah Hakha khuachung um Khrihfabu pakhat hnih cu an leet lai maw leet lai lo a fiang rih lo. Hmanthlak: Zion Tipil Khrihfabu le Hakha Tipil Khrihfabu biakinn.

Mocha Thlichia Cu Rakhine Ramkulh Sittwe Ah A Lut Cang: Rakhine ramkulh Sittwe khuapi May 14, tuzing 7:00am in Mocha thlichia a lut cang tiah theih a si. A thlihran hi suimilam pakhat ah meng 60 in 65 hrawng a cakmi a si lai tiah khuami pakhat nih a chim. Credit: The Chin Post

Thawngpang dang: US Hrambunh ‘Hope For Tomorrow’ Nih Zote Khua, Champhai Ah Sianginn An On: Mizoram chung i ralzaam tampi an umnak Zote, Champhai ah ralzaam ngakchia hna caah Hope For Tomorrow nih sianginn an on.

Hi sianginn hi US hrambunh ‘Hope For Tomorrow’ thithruainak in dirh mi a si i hi sianginn a dir khawh nakding le sianginn he pehtlai in phaisa a dih mi vialte cu Pu Dawt Hnin Thang Khenglawt te chungkhar nih an liam lai tiah theih a si.

Hi caan hmannak ah hin ribbon tan nak an ngeih hnu ah Hope For Tomorrow CEO Justin Thang le President Claire (Indiana, USA) nih lunglawmh biachimnak an ngei i, Tv. S Ruatte nih hla a sak hnu ah Pu Dawt Hnin Thang Khenglawt te nupa, Chin State Chief Minister Pu Lian Luai, YMA Sub-Headquarters;

Champhai President Pu Mamuana, YMA Sub-Headquarters; Champhai  Refugee Sub-Committee hruaitu Pu Robert nih biatawi chimnak an ngei. Cu hnuah Mai Ram Hril Mawi nih Pathian thangthatnak hla dawh a sak i ralzam aiawh in ralzam camp hruaitu Pu Thla Hre nih lunglawmh biatawi chimnak a ngei i,

Hope For Tomorrow siangngakchia pawl nih laam hmuhsak nak caan an ngei fawn. Hope For Tomorrow, Zote, Champhai ah hin siangngakchia 55 an um i subject 9 :- Myanmar, English, Mathematics, Science, Social Studies, Christian Studies,

Physical Education & Health, Mizo, Hindi an cawng i, Cawnpiaktu 7, Program Director 1, Coordinator 1 tin minung 9 an zohkhenh hna. A herh ningin Chinca zong an cawnpiak pah lai. Credit: The Chin Post