Zualko : A Poi Taktak Si Nihin Hakha Sizung ah COVID-19 in Minung 3 an Nunnak a Liam

Nihin (August 3) ah Hakha sizung ah COVID-19 zawtnak thlopbul liomi minung 3 an nunnak a liam, tiah thawng kan theih.

A nunnak a liammi hna cu: (1) Rev. Ram Hei (kum 60) (2) Pi Ngun Cuai (kum 78) (3) Pu Hnawn Cem (kum 85) hna hi an si.

COVID-19 Third Wave nih Laitlang a kan phak hnu ah Hakha ah COVID-19 in a nunnak a liammi minung 11 an si cang.

Nihin Hakha sizung ah zawtnak checkmi minung 8 lak ah minung 2 sin in COVID-19 zawtnak hmuh a si chap. Cred : The Chin Journal

Relchap : Hakha ah Rev. Ram Hei a Nunnak a Liam

Nihin (August 3) zaanlei sml. 4:00 ah Rev. Ram Hei (kum 60) cu Hakha sizung ah a nunnak a liam.

Rev. Ram Hei cu CCU in B.Th le M.Div a dih hnu ah Bethel Baptist Church an caan saupi Pathian rain a ttuanmi a si.

A nunnak a liam caan tiang ah Bethel Khrihfabu ah Associate Senior Pastor dirhmun in Pathian rian a ttuan.

Oxygen pek buin ni zeimawzat an zohkhent hnu ah nihin zaanlei ah a nunnak a liam hi a si.

Rev. Ram Hei nih a nupi Pi Hniang Thluai le a fale panga a taantak hna.

The Chin Journal