SAC ralhrang uknak duh loin palik rian chuahtak in CDM a tuah i Mizoram ah aa dormi Pum Cin Mang (kum 26) cu Mizoram, Sihphir khua ah a nunnak a liam, tiah thawng kan theih.
Nihin zinglei sml. 11:00 hrawng ah zunput a kal hnu ah a paw fak ngaiin a um i sizung ah an kalpi. Asinain, a nunnak an khamh manh ti lo.
Pum Cin Mang hi Tedim peng, Suangpi khuami Pu Kam Za Htun i a fapa a si. A nulepa zong Mizoram lei in thawng an thanh cang hna.
Chungkhar nih Sihphir khua ah a rauk vuipiak ding in an hal hna bang in nihin zaanlei sml. 3:00 ah a ruak an thlak cang, tiah thawng kan theih. The Chin Journal
Relchap : November 6, November 9 le November 10 ah Thantlang inn a kaang chap mi Cazin
November 6 ah SAC ralhrang hna nih Thantlang khau chung Seihpiozi sang ah inn 9 an khangh chap. Hi khanghmi chungah Thantlang Baptist Association (TABC) tang um mi Panial Children House (PCH) ngaktah hna um nak inn 3 ai tel.
Cun November 9 ah Seihpoizi sang thiam ah inn 2 a kang chap. November ni 10 ah a kang than i, Seihpoizi sang thiam in inn 7 a kang chap.
A kang mi dihlak ni 5 chungah inn 18 a si an dih lak in Seihpiozi sang chung ummi inn an si. A tang lei ah kanghuhnak a tong mi inn ngeitu hna kan van langh ter.
Crd-Thantlang Placement Affairs Committee – IDPs help
Leave a Reply