Zualko : A Poi tuk e SAC Ralhrang nih Pu Ral Tu an Kah, a Nunnak a Liam

Nihin zaanlei sml. 6:30 hrawng ah Pu Ral Tu cu Hakha in Thantlang lei a tlunnak SAC ralhrang nih an kah i a nunnak a liam, tiah thawng kan theih.

Motor in an kal pah ah an kahmi hna a si i, Pu Zo Peng hi a lu ah an hliamh ve nain nunhim in a um.

Pu Lawm Bik, Pu Than Heng le an motor mongtu cu an him hna.

Pu Aung Bu innhmai ah meithal in kah an ton hi a si, tiah Pu Ram Khar nih a langhter. The Chin Journal

Relchap : Ramchung Kahdohnak Zarhhnih Chungah Palek Le Ralhrang Thi An Tam

Ramchung kahdohnak ah Palek le ralhrang a thi mi a let hnih leng in an tam,zarhkhat chungah minung 224 an thi tiah NUG nih a thanh

A luancia thawngthanhnak ah ralhrang a thi mi nak in atu thawngthanh mi ah a thi mi 224 an si i a thi mi a lethnih in an tam deuh.

NUG nih DDay a thanh hnu kahdohnak a zarh tein thawngthanhnak in a luancia zarh le atu zarh kan tahchunh tik ah a let hnih in a thi mi an tam tiah kan hmuh.

September 14 in 20 chung ah ralhrang a thi mi 109 an si i 34 an i hliam.September 21 in 27 tiang ahcun ralhrang a thi mi 224 an si i a hliam mi 38 an si.

D- Day thanh thok in mipi lei ah i fonh ding in a kan pehtlai mi zong ni khat hnu nikhat an tam chin tiah NUG nih theihternak cathanh an chuah.

The Chin Post