Zualko : CNF Chungtel Upa Pu Zam Suan Dal @ Pu Dal a Nunnak a Liam

CNF ah caan saupi ngunkeng rian a rak ttuanmi Pu Zam Suan Dal @ Pu Dal cu nihin October 5 ah pum ngandamlonak in a nunnak a liam. The Chin Journal

Relchap : Yangon ramthen ah ralhrang bomb puah an tong thi le hliam an um

Yangon ramthen, Tanlin khua Tilawa development lamtonnak check gate bomb puah an tong, ralhrang phu lei in a thimi an um

Yangon ramthen Tanlin khua Tilawa Development lamtonnak ralhrang phu hna check gate cu bomb puah a tong, ralhrang phu lei in minung pakhat a thi, minung pahnih nih fakngai in hliam an tuar tiah Tanlin mipi vengtu phu TLPDF sin in theih a si.

Nihin October 5, zinglei suimilam 8:10 ah Tilawa Development lamtonnak hmun ralhrang phu hna check gate cu TLPDF nih a hlatnak hmun in bomb in an puahhnawh hna hi a si.

Cu puahkehnak a dih hnu ah ralhrang phu lei nih cu thil a cannak hmun pawng ummi sualnak ngeilo mino pahnih cu tlaih in an kal pi hna tiah khuami pakhat nih a chim.

Tanlin khua High school no.1 sianginn hmaiah ralhrang phu hna nih motor le cycle laisen checknak an tuah, cun cycle lu khuh zong checknak an tuah tiah khuami hna nih an chim.

The Chin Post