July 25, PCM Falam Synod Moderator & Falam in Rev. Run Ro Hngak (kum 58) cu July 24 zaan Falam sii-inn ah mual a liam i July 25 zing ah Volunteer pawl nih an vui.
July 25 tiang Falam Peng ah COVID-19 in minung 40 mual an liam cang.
The Hakha Times
Relchap: Tamu TSG le SAC Ralhrang Kahdohnak ah Ralhrang 9 an Thi
Nizaan July 24, zaanlei sml. 4:15 ah Tamu mipi ralkap (Tamu Security Group-TSG) le SAC ralhrang karlak kahdohnak a chuak i SAC ralhrang minung 9 an thi, tiah TSG nih thawngpang an chuah.
SAC ralhrang tthiangtthunh Pyosawhti chungtel pawl nih TSG an umnak hmun lei ah SAC ralhrang pawl an kalpi hna i kahdohnak a chuah hi a si.
“SAC ralhrang hnuzul Pyosawhti pawl nih TSG kan umnak ah SAC ralhrang pawl can ratpi hna. Runvennak a tuahtu TSG ralkap he an i tong hna i, kahdohnak a chuak. Kahdohnak ah SAC ralhrang lei in minung 3 an thi i hliamhma a pumi an tampi. Hliam a pumi chung in Pyosawhti chungtel pakhat, Manipur Kathe Tapung pakhat le SAC ralhrang 4 an thih chap caah an zapi minung 9 an thi,” tiah TSG nih nihin (July 25) thawngthanhnak ah an langhter.
The Chin Journal
Leave a Reply