Malaysia ah a um mi Pu Ral Lian Kham (Chawn Ceu fapa cu hri awhnak in Malaysiaah a thi tiah kan theih. Pu Ral Lian Kham cu Thantlang peng Zahnak Tlang, Thangzang khuami a si. Zahan zan ah a umnak Malaysia inn a hlan nak inn ah hri-awh nak in mual a kan liam tak tiah thawng kan theih. Aruak zong Police nih an lak i Siizung ah an kalpi lio a si tiah kan theih.
Tantak mi chungkhar hna nan ngaihchiatnak kan in hrawmpi hna, Bawipa nih tuar khawh nak in pe hram hna seh.RIP,Source: CBN Daily News
Relchap : Mask aa hruk mi le phone aa ken lo mi dantat nak Bokalay khua ah Ralhrang nih an tuah
Ayeyarwaddy Ram, Bokalay khuapi ah Mask aa hruk mi le phone aa ken lo mi cu Ralhrang bu nih dan an tat hna tiin kan theih.
Nun him nak caah Mask aa hruk mi tangka Ks.500 dan an tat hna, a leng chuah caan i phone aa ken lo mi zawng Ks. 5000 dantat asi. November 2 ah Ralhrang hna nih mah bantuk in dantat nak an ngei hi a si tiah khuami pakhat nih a chim.
Bokalay Khuapi i mi an tam deuh nak hmun ah lam kham in phone aa ken lo mi dantat lawng siloin phone aa ken mi zong an phone an check piak hna i a ruang um lo a ruang kawl in tangka an hal hna tiin khuami nih an chim.
Thawngtla asi bal mi pakhat nih “a sual tuk mi misual bu hmanh nih zulhphung an ngei, Atu Ralhrang bu cu zei zulhphung hmanh a ngei lo mi phu an si” tiah achim.
Nitlak thlanglei um mi pension a la cang mi Ralukbawi pakhat nih Hramhram uknak la tu Ralhrang bu i an bawi cu kan mah phu hmanh ttha tein a rak kan hruai kho lo i mipi huat nak tu a tawng tiin a chim.
Ayeyarwaddy Ram khuapi a dang dang hna zong ah Ralkap Bu hna nih a ruang um lo in tangka hal an hmang ti zong khuami hna sin in theih asi.
Cubantuk in Mawlamyaing Khuapi zong ah November 1 lio ah phone aa ken lo mi dantat in tangka an hal bal cang hna.
The Chin Post
Leave a Reply