Mindat peng Irrigation (ဆည်မြောင်း) zung ah rian a ttuanmi U Khaing Nay cu May 20 ah Mindat khua ah thilpuan pawl a rak la i, SAC ralhrang nih meithal in an kah.
U Khaing Nay hi fa 5 a ngeimi a si. Ralhrang nih a ruak lak ding in thawng an thanh nain atu tiang a ruak an la ngam lo. Cred : The Chin Journal
Relchap : Sakaing ah ralhrangbu an hrang, Mi 10 an tlaih
Nizan May 20 ah Sakaing ralhrangbu pawl cu Civil thuam he an in thuam i Inn kip ah an lut, an chek i Mi 10 an tlaih tiah theih a si.
“Nizan thilpuak hnuin inn kip ah innka an kingh an tlaih colh hna. Tuchun suimilam 2 hrong ah khan an duhmi minung 2 an hmuh lo caah pensen a la cia mi Biaceihtu bawi pakhat an tlaih chih. An duh mi minung pa2 an ngahnak dingah an tlaihmi a si. Inn chungah serchawm mi Bomb kan hmuh tiah an puh” tiah Sakaing pa pakhat nih a chimh.
A pu an tlaih piak mi pakhat nih “Voi1 an ra, zeihmanh an hmu lo, a rauh hlanah an rak ra than i serchawm Bomb kan hmuh tiin ka pu cu an hruai ko. An puh hramhram mi a si. kan Inn chungah zen hmanh a um lo.Ka pu hi a tar cang, a keng zong a fak mi a si” tiah thil um tu ning a chimh.
May 19 zan suimilam 8 hrongah khan Sakaing market hmai ah thil pakhat a puak i ralhrangbu pathum hliamhma an pu.
Mah kong he pehtlaihin zan ah cycle he a chawk lio mi pahnih, Parami sang le sandahpiah nak hmanthlak ah a tel ve mi Mino 10 cu an hmuh nak poh ah an tlaih hna tiah Sakaing sianghngakchia bu chungtel pakhat nih a chimh.
Sakaing khua luh-chuahnak lam le lansung pawl pawl ralhrangbu pawl nih Covil thuam he mi an ngiat caah lamzawhnak zong a um lo tiah theih a si.
Leave a Reply