Zualko : Nihin Hakha ah COVID-19 in Minung 3 an Nunnak a Liam

Nihin (Sep. 5) ah Hakha khua ah COVID-19 zawtnak in minung 3 an nunnak a liam, tiah thawng kan theih.

A nunnak a liammi minung 3 lak ah tleicia saya Thang Cem nupi Pi Par Hniang zong aa tel.

COVID-19 Third Wave hnu in Hakha ah COVID-19 zawtnak in an thi tiah fehtermi minung 24 an si cang.

COVID-19 zawtnak in an nunnak a liam ko tiah lunghrinhmi mithi a dang 19 zong an um ve. Cred : The Chin Journal

Relchap : Asean special Envoy le SAC nih thla 4 chung daihnak tuah ding an duh

ASEAN special envoy nihcun kawlram buainak kongah thla 4 chung daihnak ( cease-fire) tuah dingin kawlram ah halnak a tuahnak kong a chim.

SAC ralhrang dotu sin zongah direct silo in lamdang in mah thla 4 daihnak tuah ding kong hi theihternak ka tuah cang tiah Asian special envoy nihcun a chim tiah irrawady nih a thanh.

SAC nih ramleng vuanci rian khinhmi U Wanah Maung Lwin he kan hnuzarh cacawn nihnih ahkhan online in ton biruahnak kan ngei cang I mah thla 4 daihnak tuah dingah SAC ralhrang nih kan cohlan/kan pom e tiah Asean special envoy nihcun a chim.

Note: UN Security Council meeting cu tuthla 14 ah abikin kawlram kong ceihhmai ding a si lai te ah Asean envoy nih tihin a hun cawlcangh hi si.SAC thluak si kho. Cred : Chinland 7 Post