Ralhrang he i kahnak ah tangkua kai siangngakchia pakhat a nunnak liam No.1 sianginn(Myithila) ah tangkua siangngakchia Mg.Rin Moe Tun cu ralhrang he i kahnak ah a nunnak a liam.
Relchap : Meghalaya Peace Committee Ah Thangkhiew Tanhtu Hna An I Tel Duh Lo
Meghalaya Peace Committee Ah Thangkhiew Tanhtu Hna An I Tel Duh Lo HNLC hruaitu hlun Cheristerfield Thangkhiew Meghalaya palek nih an thah ruangah Khasi miphun hna nih lungtlinglo nak an langhter hnuah Meghalaya cozah nih remdaihnak tuah dingin Peace Committee a dirh mi ah Thangkhiew a tanhtu hna an i tel an duh lo.
Peace committee hi remdaihnak le Thangkhiew thih ning hlathlai dingin deputy chief minister Tynsong hruainak tangah cozah le Thangkhiew tanhtu hna he dirh a si.
Thangkhiew tanhtu hna nih hi thahnak kongah a pehtlaihmi police officer pahnih hna an rian in phuah an si hlan chung cu peace committee ah kan i tel lai lo tiah an chim.
HNLC hruaitu hlun Thangkhiew hi August 13 ah a umnak inn Mawlai Massar vengah palek nih meithal in an kah mi a si i, a thihnak kongah palek nih an chimmi cu fake counter a si tiin mipi nih duhlonak an langhter ruangah Meghalaya cozah nih August 18 zing tiang curfew a tuah.
HNLC hruaitu hlun thih ning hlathlai ding Judicial inquiry ngei dingin Meghalaya Human Rights Commission (MHRC) chair person, Justice (Rtd) T. Vaiphei cu rian khinh a si.
Judicial inquiry hruaitu sin ah nawlngeihnak le zalonnak le hlathlainak nawl pek a si i, Thangkhiew thahnak ah a tel mi police officer pahnih suspend dingin nawlnak cu inquiry report ningin tawlrel a si lai tiah chief minister Conrad Sangma nih a chim.
The Chin Post
Leave a Reply