Update: November 11, 2021 Kawlram chung kahnak ah SAC ralhrang minung (84) an thi i PDF lei in pasaltha minung (8 ) nih an nunnak an pek ve tiah Khit Thit Media nih a tarlangh.
Atu feature Image i kan rak tarlangh mi hi, Demosoe Township chung kahnak ah a nunnak a petu pasaltha a si. November 11, 2021, chun hnu ah Karenni Nationalities Defense Force-KNDF le SAC ralhrang karlak kahnak a chuak i cu ahcun SAC ralhrang lei in minung (20) an thi i KNDF pasaltha pakhat nih a nunnak a pek ve hi a si.
Chun hnu suimilam 1:50PM hrawng ah khan Domosoe Township, Htooluaibila le Padongngan khuate karlak ah SAC ralhrang he kahnak a chuah hi asi. Karenni Nationalities Defense Force timi KNDF le Karenni Army (KA) i bawm in SAC ralhrang cu an kah hna. Cu ahcun ralhrang lei 20 an thi ti asi.
Kaphnih karlak i kahnak hi nizaan zaanlei suimilam 1:50PM hrawng in aa thok hi a si nain zaanlei suimilam 6:00PM tiang aa pehtlai. SAC ralhrang lei nih thazaang tampi an rak chap lawng si loin, hriamnam ngan in pawngkam khua pawl zong an kahtuk chih caah inn lo zong a rawk mi um dawh a si.
A si nain nihin kahnak ah SAC ralhrang 20 an thi i KNDF lei in pasaltha pakhat nih ram le miphun caah a nunnak a pek ve hi asi. Nizaan chun tiang zong Kawlram hmunkip ah kahnak aum, SAC ralhrang le mipi ralkap karlak kahnak aa peh peng rih ko. Chin ram kulh zong ah kahnak a um i cu ahcun Matupi-CDF nih SAC ralhrang (6) an thah ve hna. A karlak i hmanthlak kan tar langh mi hi nihin chun Kawlram chung hmunkip kahnak ah SAC ralhrang lei a thi mi le ram pasaltha lei in a thi mi milu zat an langhter mi a si. Laikokekjournal
Leave a Reply