Zualko : Trust Private Hnigh School Ngeitu Sayagyi A Nunnak Liam

Kalaymyo Taungphyila sang Trust private school Sayagyi Bawi Lian Tho (kum-61) cu July 16 deilei 12:45 ah a umnak inn ah a nunnak a liam.

Kalaymyo boarding rak thok ka 1993 Lio hrawng ah boarder ah kawlca chim pakhat a si.

2010 hnu ah private school tuah in kum tlawmpal ah hlawhtlinnak a hmu mi Sayagyi pakhat a si.

July 7 ah a thaisung nu Pi Ngun Bor zong a nunnak a rak liam.

RELCHAP DING : Ni 15 Chungah KNU Brigade-5 Le Ralhrang Kahdohnak Voi 37 A Um, Ralhrang 31 An Thi

Karen ramkulh, KNU Brigade-5 hmunhma a simi Mutraw pengkomh (District) ah July 1-15 chungah KNU Brigade-5 le ralhrang kahdohnak voi 37 a um i ralhrang 31 an thi tiah KNU Brigade-5 nih a thanh. Ralhrang lei ahhin ramri cawng ralkap BGF zong an i tel. Ralhrang lei hliam a tuarmi 42 an si. Cun BGF ralkap pakhat cu KNLA sinah aa fonh. July 15 kahdohnak ah KNLA lei pakhat hliam a tuar, a thimi cu an um lo tiah theih a si.

Hi kahdohnak chungah ralhrang lei nih cun khuami nih lo/leikuang an tuahmi cu hriamngan in an kahpiak hna, khua chung zongah hriamngan an puah, khuami aa chawkvak sawhsawhmi hna zong a huaha lo ah an kah hna tiah theih a si. Cun khuami nih an zuatmi satil, meheh 4 le naa 2 an thah i an ei fawn.

The Chin Post